,,მერე იტყვი დებილები არიანო და კიდევ ეწყინებათ” – დავით ზურაბიშვილი

ყოფილი პარლამენტარი, დავით ზურაბიშვილი სოციალურ ქსელში წერს:

,,საერთოდ ჩემი ფბ პრაქტიკიდან გამომდინარე, ქოცების და ნაცების შემოტევა კედელზე “ბრბო შემოტეხვას ლამობდა კარების” სტილში ხდება განსხვავებული მექანიზმებით

ნაცები, როგორც წესი, ამას აკეთებენ ასე: შემოდის ერთი, შეიძლება ითქვას, ავტორიტეტი ნაცი, რომელმაც თუ ჩათვალა რომ საჭიროა შესევა, ინბოქსის მეშვეობით უხმობს თანამოაზრეებს და ამგვარად იკრიბება ლაშქარი.

ქოცები სხვა მოვლენაა. ისინი თვითორგანიზებას არ ახდენენ. აქ შემოსევა იწყება მხოლოდ იმ შემთხვევაში, თუ ზემოდან არის შესაბამისი ბრძანება.

ჰოდა, რახან დღეს ბრაზიან ქოცთა მოგერიებას ვერ ავუდივარ, ბუნებრივად გამოვიტანე ის დასკვნა, რომ ეს ხალხი შემომისიეს.

მერე დავფიქრდი იმაზე თუ რატომ შემომისიეს მაინცდამაინც მე და მაინცდამაინც იმ პოსტის გამო, რომელიც აკრიტიკებდა ხელისუფლების მიერ ციხესთან ორგანიზებულ აქციას? ძალიან ბევრჯერ გამიკრიტიკებია ეს ხელისუფლება, გაცილებით მწვავედაც, მაგრამ არ აუტალახებიათ ჩემი კედელი და ახლა კი თავი გაიგიჟეს.

ამის მიზეზი კი ჩემი მოკრძალებული აზრით არის ის, რომ როგორც ჩანს ხელისუფლებაში ალალად ეგონათ, სააკაშვილის წინააღმდეგ მათ მიერ ორგანიზებული აქციას ხალხი აღიქვამდა, როგორც წინა ხელისუფლებისგან გამწარებული ადამიანების ბუნებრივ რეაქციას. მათი გათვლით ასე უნდა გაეგო აქციის შინაარსი ყველა ე. წ. შუაშისტს და ძალიან ნაწყენები დარჩნენ, როცა ეს არავინ ჭამა, მათ შორის არც მე.

საგულისხმოა, რომ ყველა შემოსეული ქოცი ერთი მესიჯით იყო შეიარაღებული: რა შუაშია ხელისუფლება, ეს ხომ გამწარებული ხალხია? ზოგი მგონი საერთოდ აზრზე არ იყო სად შემოუშვეს და ვისთან და ისე მტუქსავდა, როგორც ნაცმოძრაობის თავდადებულ მომხრეს.

მერე იტყვი დებილები არიანო და კიდევ ეწყინებათ”