ჟურნალისტი, ლაშა ბერულავა, სოციალურ ქსელში, წერს:
“ყველაზე მეტად რაზეც გული მწყდება, პოლიციის ამაზრზენი ქმედებებია.
რუსთაველზე, ზაზა სარალიძისა და ვახა მაჩალიკაშვილის პროტესტის დროს, როცა დათო ქაცარავას ორგანიზაციისა და გაზეთ “ქრონიკა პლუსის” სახელით კარვის მიტანას ვაპირებდი, ლაივი მქონდა ჩართული ქაშუეთის მხრიდან, ერთერთი პოლიციელი ზურგიდან მომეპარა, კისერში მკლავი მომიჭირა, ფაქტობრივად, მგუდავდა, მეორემ კი კარავი გამომტაცა და გაიქცა.
დიახ, არ მოგეჩვენათ, არ შემშლია: გაიქცა…
მერჩივნა მოვმკვდარიყავი: პოლიციელი ჩემგან, მოქალაქისგან გარბოდა!
ახლა რაც ხდება, იმაზე უარესია, რაც პირველ აბზაცში დავწერე: ერთმა მოქალაქემ, არჩევნების დღეს, მარნეულის პოლიციის უფროსს მოძალადეზე მიანიშნა და ჰკითხა, ძალადობა ხომ თქვენს თვალწინ მოხდა, რატომ არაფერს აკეთებთო და პასუხი რა იყო? – “მე რა ვქნა, პოლიციაში დარეკე…”
ახლახან, ისანში, ჩვენი, ანტიოკუპაციური მოძრაობის გუნდის წევრმა უთხრა პოლიციელს, ჩვენ რას დაგვდევთ, წადით და ბადრი ესებუა დააკავეთო და პასუხი რა იყო? – “წადი და შენ თვითონ დააკავე!…”
თავი სიზმარში მგონია”
კომენტარები