მომღერალმა მერაბ სეფაშვილმა „სხვა ნანუკას“ ეთერში მიხეილ სააკაშვილთან დაკავშირებით ისაუბრა.
როგორც სეფაშვილმა აღნიშნა, სააკაშვილს თავი აქვს გადადებული.
„რეალობა ძალიან მძიმეა, ყველა ვუყურებთ. ეს არ არის ნორმალური.
პირველ რიგში, ვფიქრობ, რომ ადამიანს უნდა ჰქონდეს სასამართლოს უფლება, რომელსაც არ აძლევენ.
კარგი ბატონო დამნაშავე ხომ არის, რატომ არ მისცეს უფლება, რომ სასამართლო ახლა ჩატარებულიყო? ეს ცოტა უცნაურია ჩემთვის, გაუგებარია.
ცოტა ცინიზმი, ცოტა ყველაფერია ერთად…
არ არის ნორმალური მდგომარეობა ქვეყანაში, ადამიანები გრძნობენ , რომ ცვლილებების დროა, ასე შეუძლებელია გაგრძელდეს.
ხელისუფლება ანახებს ახლა თავის მომხრეებს, რომ აი ახლა მე ვსჯი მას – გაასამართლე!
ვთვლი, რომ ახლა ამის გაკეთება გვიანია, რეალურად ახლა ისე იძაბება სიტუაცია, რაღაცა დენთია, ცეცხლი ანთია, ამაზე კი ახლა ნავთის დასხმა უბრალოდ სისულელეა….მოგწონს, არ მოგწონს, მომხრე ხარ, არ ხარ მომხრე, ამას ახლა მნიშვნელობა არ აქვს.
პოლიტიკურად სწორი იქნება, რომ ის მოთავსდეს საავადმყოფოში და უმკურნალონ.
მინდა, რომ მხნედ იყოს, მე კი არა დედამაც სთხოვა და დედასაც არ დაუჯერა, რომ შეწყვიტოს შიმშილობა. ფაქტობრივად, თავი გადადებული აქვს ამ კაცს, მე არ ვიცი რამდენ ხანს გაძლებს, ვუსურვებ ჯანმრთელობას და წარმატებებს. ის არ არის უბრალო კაცი, არ არის უბრალო პოლიტიკოსი, მართლაც ანგარიშგასაწევი პოლიტიკოსია, მთელი მსოფლიო უწევს მას ანგარიშს და მე ვფიქრობ, ის ძალიან მნიშვნელოვანი მოთამაშეა, როგორც ჩვენს რეგიონში, ისე მთელს მსოფლიოში, ჩვენს ქვეყანას წაადგება ძალიან მისი გამოცდილებაც, მისი ცოდნაც და ბევრი რამ კიდევ,“-განაცხადა მერაბ სეფაშვილმა.
კომენტარები