მექსიკის პრეზიდენტს, ანდრეს მანუელ ლოპეს ობრადორს კორონავირუსი დაუდასტურდა და ახლა ის თვითიზოლაციაშია. ამის შესახებ პოლიტიკოსმა Twitter-ის საკუთარ გვერდზე დაწერა.
“გაცნობებთ, რომ ვარ COVID-19-ით ინფიცირებული და მიუხედავად იმისა, რომ სიმპტომები მსუბუქია, თვითიზოლაციაში დავრჩები და საოფისე სამუშაოებს ვირტუალურად შევასრულებ“, – განაცხადა სახელმწიფოს მეთაურმა.
პრეზიდენტმა ასევე განაცხადა, რომ ავადმყოფობის დროს მას შინაგან საქმეთა მინისტრი ადან აგუსტო ლოპეს ერნანდესი შეცვლის.
2021 წლის დეკემბერში მექსიკის პრეზიდენტი AstraZeneca-ს ვაქცინის მესამე დოზით აიცრა. სახელმწიფოს 68 წლის მეთაურმა “ბუსტერი” პრესკონფერენციაზე მიიღო. ამასთან, თითქმის ერთი წლის წინ პრეზიდენტს კორონავირუსი უკვე ჰქონდა. 2021 წლის 24 იანვარს ლოპეს ობრადორმა განაცხადა, რომ მას COVID-19 დაუდასტურდა. მისი თქმით, მაშინაც მსუბუქი სიმპტომები ჰქონდა.
კომენტარები