დაავადებათა კონტროლის ეროვნული ცენტრის ხელმძღვანელის მოადგილე, პაატა იმნაძე ამბობს, რომ ვაქცინირებულ ადამიანს გარემოში, სადაც ყველა 2-ჯერ აცრილია, 2 კვირის შემდეგ პირბადის გარეშე ყოფნა შეუძლია. ამის შესახებ მან საზოგადოებრივი მაუწყებლის ეთერში ისაუბრა.
“მეორე ინექციის გაკეთებიდან ორ კვირაში ითვლება, რომ ადამიანი უკვე არის სრულად იმუნური. აქედან გამომდინარე, დაახლოებით მეორე აცრიდან ორი კვირის შემდეგ თქვენ შეგიძლიათ, ძალიან თავისუფლად, პირბადის გარეშე იყოთ, თუ გარემოცვაში ყველა აცრილია. ეს არის ძალიან მნიშვნელოვანი. როდესაც თქვენ გარშემო ყველა ორჯერ აცრილია, თქვენ უკვე შეგიძლიათ, პირბადის გარეშე იყოთ თქვენს ახლობლებთან ერთად, ჩაეხუტოთ მათ, ყოველგვარი პრობლემის გარეშე მათთან ერთად იყოთ ერთ სუფრასთან. ამისათვის საჭიროა, რომ თქვენ გარშემო ყველა იყოს ორჯერ აცრილი”
საქართველოში ვაქცინაცია 15 მარტს დაიწყო, დღეს, 2 ივნისს, სრულად აცრილია 33 718 პირი
კომენტარები