რუსეთის უშიშროების საბჭოს თავმჯდომარის მოადგილე, დიმიტრი მედვედევი, ვაშინგტონში თეთრ სახლში გამართულ შეხვედრას, სადაც მონაწილეობდნენ აშშ-ის პრეზიდენტი დონალდ ტრამპი, უკრაინის პრეზიდენტი ვოლოდიმირ ზელენსკი და ევროპელი ლიდერები, სოციალურ ქსელ X-ზე გამოეხმაურა.
მედვედევის განცხადებით, შეხვედრაზე ზელენსკი და ევროპელი ლიდერები ტრამპს „მადლობას უხდიდნენ და ემლიქვნელებოდნენ“. მისი თქმით, „ანტირუსული ომის მოყვარულთა კოალიციამ“ ტრამპის საკუთარ მოედანზე დამარცხებას ვერ შეძლო.
საინტერესოა, რას იტყვის კიევის კლოუნი, როცა სამშობლოში დაბრუნდება და კვლავ მწვანე სამხედრო ფორმაში გამოეწყობა – რა სიმღერას შეასრულებს გარანტიებსა და ტერიტორიებზე?, – დაწერა მედვედევმა.
კომენტარები