2008 წლის 8 აგვისტოს მოვლენებმა ჩემი ცხოვრება რადიკალურად შეცვალა – ამის შესახებ რუსეთის ყოფილმა პრეზიდენტმა და უშიშროების საბჭოს თავმჯდომარის მოადგილემ, დმიტრი მედვედევმა რუსულ სამთავრობო მედიასთან ინტერვიუში განაცხადა.
“2008 წლის 8 აგვისტოს მოვლენებმა ჩემი ცხოვრება რადიკალურად შეცვალა. ერთია, როდესაც პრეზიდენტად საკმაოდ ახალგაზრდა ასაკში აგირჩევენ და ჯერ კიდევ ეჩვევი ამ ამოცანის შესრულებას და ამ ტვირთის ტარებას. მეორე საკითხია, როდესაც იძულებული ხდები, რომ გადაწყვეტილებები სამხედრო მოქმედებების შესახებ მიიღო. შემიძლია ვთქვა, რომ ეს ძალიან რთულია. იმ წინაპირობითაც, რომ საქართველოს რეჟიმს აქეზებდნენ, მათ შორის ოკეანის გაღმიდან.” – ამბობს მედვედევი.
მედვედევი ირწმუნება, 2008-ში “იძულებული გახდა, გადაწყვეტილება მიეღო ქართული სამხედრო ფორმირებების წინააღმდეგ საპასუხო დარტყმის დაწყების შესახებ”.
მისივე თქმით, “რუსეთი ღირსეულად მოიქცა”.
კომენტარები