“იმედის კლინიკა” სოციალურ ქსელში, განცხადებას ავრცელებს:
“იმედის კლინიკა” ღრმა მწუხარებით იუწყება, რომ გარდაიცვალა ,,იმედის კლინიკის” მეან-გინეკოლოგი ზაზა იმერლიშვილი. ,,იმედის კლინიკა” სამძიმარს უცხადებს ზაზა იმერლიშვილის ოჯახს და ახლობლებს.
მას მძიმე თანმხლები დაავადებები ჰქონდა.
როგორც “ალიამ” გაარკვია ექიმი გურჯაანში საოჯახო დღესასწაულზე დაინფიცირდა.
საქართველოს ჯანმრთელობის ფედერაციის წარმომადგენელი მეგი საჯაია:
“მძიმე პაციენტი იყო, თანმხლები დაავადებები ჰქონდა: ჭარბი წონა, შაქრიანი დიაბეტი, გულ-სისხლძარღვთა დაავადება აწუხებდა.
ბოლო პერიოდში არ დადიოდა სამსახურში, აცდენდა სამსახურს, ფიქრობდა, რომ უბრალოდ გაციებული იყო, ბოლოს კი აღმოჩნდა, რომ კორონავირუსი ჰქონდა და ოჯახში ყველას დაუდასტურდა. როგორც ვიცი, ოჯახის წევრების მათი ჯანმრთელობის მდგომარეობა სტაბილურია.
ბატონი ზაზა, მდგომარეობის დამძიმების შემდეგ, მცხეთის კლინიკაში გადაიყვანეს და იქ მკურნალობდა.
ქვეყანაში სიტუაცია არის მართლაც რთული, ხალხს კიდევ ჰქონია, რომ არაფერი დაემართებათ და სწორედ ეს არის პრობლემა. საქართველოს ჯანმრთელობის ფედერაცია მოვუწოდებთ მოსახლეობას, რომ დაიცვან დისტანცია, წესები და გაფრთხილდნენ, მაქსიმალურად მოერიდგონ მსგავს შეკრებებს და ოჯახურ თავყრილობებს, განსაკუთრებით რეგიონებში“
კომენტარები