სოციალური ქსელში მესტიელი დედის და მისი პატარა შვილების თოვლში გადაღებულ ფოტოებს დიდი გამოხმაურება მოჰყვა. ფოტოებზე ჩანს ახალგაზრდა დედა ნახევრად შიშველ 8 თვის სერაფიმე და 3 წლის დიონისესთან ერთად. როგორც ირკვევა, მესტიაში სოფელ ნაკრაში მცხოვრები ელენე ცინდელიანი პატარა ხაჩიძეებს აკაჟებს. სოციალურ ქსელში უარყოფით რეაქციებს, ბავშვების დედა ფეისბუკ პოსტით გამოეხმაურა:
“მე ვარ ამ ბავშვის “რეგვენი” მშობელი, არავისთვის მიგვიბაძია.
ვცხოვრობთ ჩვენთვის როგორც გვიხარია ისე და ჩვენს გვერდზე დადებულ ფოტოებს სხვები თუ ჯგუფებში იყენებენ, ეგეც არ არის ჩვენი ბრალი.
ისე, ერთი პასუხი მაინც უნდა დაგიწეროთ: ,,კოკასა შიგა რაცა დგას, იგივე გარდმოდინდების”.
ასე რომ, თქვენი სიტყვები თქვენს შინაგან მდგომარეობას გამოხატავს, კარგიც და ცუდიც.
მეტ სიყვარულს და სიხარულს გისურვებთ, ღმერთმა გაგახაროთ ყველა, კარგის და ავის მთქმელებიც”, – წერს ელენე ცინდელიანი.
კომენტარები