პოლიტიკოსი, ნინო ბურჯანაძე, ტვ პირველთან პასუხობს, ჟურნალისტ დიანა ტრაპაიძის კითხვას, როგორ მოიქცეოდა, ის რომ იყოს დღეს საქართველოს პრეზიდენტი და ამბობს:
მე ვერ ვიქნებოდი პრეზიდენტი, მე არ დავუშვებდი, რომ ვყოფილიყავი პრეზიდენტი იმ ვიტარებაში, რა ვითარებაც ახლა ქვეყანაში არის. ჯერ ერთი თავიდანვე წინააღმდეგი ვიყავი და კატასტროფულია, რომ კონსტიტუციაში ისეთი ცვლილებები შევიდა, ასე დაკნინდა პრეზიდენტი, აღარაფერს ვამბობ ხმოსნებით ასარჩევ პრეზიდენტზე, ეს ცუდია, არ არის საქართველო ის ქვეყანა, რომელიც მზად არის საპარლამენტო რესპუბლიკისთვის, ამას ვიძახი ბოლო 30 წელია, საპარლამენტო რესპუბლიკას სჭირდება პოლიტიკური პარტიების თანამშრომლობის კულტურა, კოალიციური მმართველობის კულტურა, საქართველო ამისთვის მზად არ იყოს, მაგრამ რა თქმა უნდა, არც ის იყო სწორი, როდესაც პრეზიდენტის ძალაუფლება 2004 წელს გაიზარდა რადიკალურად და მაშინ, როცა მე ამის წინააღმდეგი ვიყავი, არავინ დამიჭირა მხარი, არც პოლიტიკურმა სპექტრმა, არც მედია საშუალებებმა, ერთი ორი ხმა იყო, რომელიც იგივეს ამბობდა, რასაც მე, ჩემი მცდელობა, რომ პარლამენტი არ დასუსტებულიყო, და პრეზიდენტის ძალაუფლება არ გაზრდილიყო ისე, რომ უკონტროლო არ გამხდარიყო, მაშინ მონათლეს ისე, რომ საკუთარი ძალაუფლებისთვის ვიბრძოდი. პარლამენტის თავმჯდომარე ვიყავი მაშინ. ეს იყო პირველი კონფლიქტი სააკაშვილთან. ეს შეცდომა ბევრჯერ დაგვხდება წინ, როდესაც ასეთი დისბალანსია პარლამენტსა და პრეზიდენტის ინსტიტუტს შორის, ასე რომ მე ამ ვითარებაში პრეზიდენტი ვერ და არ ვიქნებოდი. მე რომ ვყოფილიყავი პრეზიდენტი, ნამდვილად შემიძლია გითხრათ, ძალიან ბევრი რამ ქვეყანაში სხვანაირად იქნებოდა.
კომენტარები