“მე მქონდა პირობები, მითხრეს, რომ ეს პირობები იყო მიუღებელი” – ზურაბ ჯაფარიე

„გირჩის“ ლიდერმა ზურაბ ჯაფარიძემ, პარტიაში არსებულ დაპისიპირებასთან დაკავშირებით განაცხადა.

„მე გირჩი არ დამიტოვებია. რა პოზიციაც იყო წარდგენილი ოპოზიციის მიერ, მაგ პოზიციაზე „გირჩში“ ერთიანობა არის. რაც დავწერე სტატუსში, ეგ არის რისი თქმაც შემიძლია. ჩემი და ამ ადამიანების გზები გაიყო, დანარჩენს მომავალი გვიჩვენებს. არ ვაპირებ გარეთ გამოტანას არაფრის. პარლამენტში შესვლა-არ შესვლა საერთოდ თემა არ არის. პარტია არ დამიტოვებია. პარტია არ ვარ მე და არ არიან არც ის ადამიანები. ვინ იქნება „გირჩი“, მაგას გადაწყვეტენ „გირჩის“ ამომრჩევლები. ვრჩები „გირჩის“ ლიდერად. არ ვაპირებ არაფრის გარეთ გამოტანას, რაც დავწერე ეგ არის მეტი კომენტარის გაკეთებას ამ თემაზე არ ვაპირებ. ჩვენი გზები გაიყო ნიშნავს, რომ მე მაგ ადამიანებთან ერთად არ ვაპირებ „გირჩის“ კეთებას, ამ საქმის კეთებას. მე მქონდა პირობები, რა პირობებშიც ვთავაზობდი, რომ ჩვენ გაგვეგრძელებინა საქმის კეთება, რაზეც მითხრეს, რომ ეს პირობები იყო მიუღებელი და ამის შემდეგ დავამთავრე ამ ადამიანებთან ურთიერთობა“, – განაცახად ჯაფარიძემ.

სოციალურ ქსელში დღეს გავრცელდა „გირჩის“ ერთ-ერთი ლიდერის, ზურაბ ჯაფარიძის განცხადება, სადაც აღნიშნულია, რომ იაგო ხვიჩიასთან, ვახტანგ მეგრელიშვილთან და სანდრო რაქვიაშვილთან ერთად „გირჩის კეთებას“ აღარ აპირებს.