სოციალური ქსელის მომხმარებელი, ია ბებიაშვილი, წერს:
“ვირუსის ამბავი რომ გამაგებინეს, იმდენად მოულოდნელი იყო, რომ უცებ, ერთ წამში მთელმა ცხოვრებამ თვალწინ გამირბინა, შემდეგ რამოდენიმე წამი ჩუმად ვიდექი და მერე უკვე დავიწყე ფიქრი და იმ რეალობის მიღება, რის წინაშეც ვიყავი, გონებამ პირველი რაზეც ფიქრი დაიწყო იყო ის ადამიანები, ვინც ვნახე იზოლაციამდე, ეს იყო ყველაზე მტკივნეული ფიქრი მთელი ამ პროცესის განმავლობაში, როცა იცი, რომ შენს საყვარელ ადამიანებს გაუცნობიერებლად შეგიძლია ავნო და მათ სიცოცხლეს საფრთხე შეუქმნა.
ძალიან მინდა, ყველას მივაწვდინო ჩემი ხმა, მეგობრებო, სამწუხაროდ ეს ვირუსი ნებისმიერ ჩვენგანს შეიძლება დაემართოს, ისე რომ შეიძლება ვერც გავიგოთ, მაგრამ ვიყოთ მისი მატარებელი და გადავდოთ სხვებს, ამიტომ უნდა ვიყოთ ძალიან ყურადღებით, პირველ რიგში იმიტომ რომ ჩვენს საყვარელ ადამიანებს არ შევუქმნათ საფრთხე და გავუფრთხილდეთ მათ, ამიტომ არ შეგეშინდეთ, უბრალოდ დაიცავით იზოლაციის და ჰიგიენის წესები.
არ არის ახლა შიშის დრო, დარწმუნებული ვარ, მობილიზაციით და მაღალი პასუხიმგებლობის გრძნობით თუ მოვეკიდებით უმტკივნეულოდ გადავიტანთ ამ ყველაფერს.
მე კოვიდი დავამარცხე… ხვალ დილით გავდივარ სახლიდან და უბრუნდები ჩვეული ცხოვრების რიტმს, ისეთი შეგრძნება მაქვს, თითქოს სიარულს ვსწავლობ და გარეთ გასვლა მახარებს.
პირველი რაც იქნება ალბათ თავისუფლად ჩავეხუტები ჩემს საყვარელ ადამიანებს… ჩავეხუტები….გავთბები… ჩახუტება – ეს უდიდესი სითბოთი და სიყვარულით, მუდმივი ენერგიით მავსებს და სასიამოვნოდ მტვირთავს…მიყვარხართ!”
კომენტარები