მე ძალიან მინდა, მალე შევხვდე მას, ჩავხედო თვალებში და ვუთხრა – მიხეილ გორდონი

ჟურნალისტი, დიმიტრი გორდონი ვიდეომიმართვას ავრცელებს, სადაც ის მხარდაჭერას უცხადებს საქართველოს მესამე პრეზიდენტს მიხეილ სააკაშვილს.
გორდონი საქართველოს ხელისუფლებას და საერთაშორისო  საზოგადოებას მოუწოდებს ყველა ღონე იხმარონ მის გასათავისუფლებლად. 
“გულისტკივილით შევიტყვე, რომ მიხეილ სააკაშვილი ციხეში იმყოფება. სააკაშვილი ჩემთვის გამორჩეული პოლიტიკოსი და გამორჩული რეფორმატორია. ის მსოფლიოს ერთ-ერთი საუკეთესო პოლიტიკოსია, მან იმდენი რამ გააკეთა თავისი ხალხისა და ქვეყნისთვის, თუ ეს დღეს არ არის ჯეროვნად შეფასებული, აუცილებლად დაფასდება მომავალში.
მე კარგად მახსოვს, საქართველო სანამ სააკაშვილი ხელისუფლებაში მოვიდოდა. ეს იყო ნახევრადდანგრეული, კრიმინალური ქვეყანა. ეს იყო ქვეყანა, გზებისა და ელექტრო ენერგიის გარეშე, ეს იყო ქვეყანა სამართლიანობის გარეშე. მიხეილ სააკაშვილისა და მისი გუნდის მიერ ჩატარებულმა რეფორმებმა, საქართველო აყვავებულ ქვეყნად აქცია. ქვეყნად შესანიშნავი გზებით, ჯანდაცვით, განათლებით, ქვეყნად სადაც სამართლიანობა ზეიმობდა და ეს იმდენად კარგად ჩანდა, რომ რთული იყო არ აღფრთოვანებულიყავი.აღფრთოვანებას იწვევდა თბილისი, ბათუმი, გზები, პოლიციელები, კრიმინალის არარსებობაც და ახალგაზრდა ქართველების თვალებში გაჩენილი იმედიც, რომ ისინი იცხოვრებდნენ ცივილიზებულ, სამართლიან ქვეყანაში. 
ვთვლი, რომ მიხეილ სააკაშვილის ადგილი ციხეში არ არის, ის აუცილებლად უნდა გათავისუფლდეს და ძალიან მინდა, რომ ეს არაჩვეულებრივი ადამიანი მალე ვნახო გისოსებს მიღმა. მე მოვუწოდებ საქართველოს ხელისუფლებას, გაათავისუფლოს სააკაშვილი, მოვუწოდებ საერთაშორისო საზოგადოებას, რომ ყველაფერი გააკეთოს მისი გარეთ ყოფნისთვის. მე ძალიან მინდა, მალე შევხვდე მას, ჩავხედო თვალებში და ვუთხრა კეთილი სიტყვები, მისი ქვეყნის შესახებ, რომელიც მიშას წყალობით გახდა წარმატებული,” – აცხადებს მიხეილ გორდონი.