ყოფილი პარლამენტარი, რომან გოცირიძე:
100 ყველაზე მდიდარი ქართველი ბიზნესმენიდან, რომლის სიაც ადგილობრივმა “ფორბსმა” ახლახან გამოაქვეყნა, მხოლოდ 4 ადამიანის კომპანია მიაქვს რეკლამა არასახელისუფლებო ტელევიზიებში. ესენია ჭყონია, ოქრიაშვილი, ხაზარაძე, ჯაფარიძე. ერთ დროს კრიტიკულად განწყობილი კი არა, მთლად ოპოზიციის სიით რომ იყვნენ პარლამენტში, იმათაც კი შეწყვიტეს რეკლამის განთავსება.
მდიდარი ბიზნესმენები ლაჩარი ხალხია. ერთი კაცის ლანდისაც კი ეშინიათ.აგერ, “კავკასიამ”, 29 ათასი ლარის დავალიანება თუ არ დაფარა, პრობლემები შეექმნება. ეს მაშინ, როცა რუსთავი 2-ის დირექტორის ხელფასი თვეში 39 ათასი ლარი ყოფილა. ეს მხოლოდ მაშინ გავიგეთ, ელჩად რომ დანიშნეს და დეკლარაციის შევსება მოუწია. ეს ფული ზესტაფონის ფეროდან და ჭიათურმანგანუმიდან მოპარული შავი ფულია, რომლითაც ეს პროპაგანდისტული არხი ფინანსდება.29 ათასს კი არა, 29 ლარსაც არ ჩარიცხავენ მდიდარი ბიზნესმენები, რომელთა საკმაო ნაწილი პრივილეგიებით და სახელმწიფო ტენდერებით გამდიდრდა.
კავკასია არ დაიხურება, ის ადამიანები დაეხმარებიან, რომლებსაც თავად აე ჰყოფნით ფული და რომელთათვის თითოეული ლარი მნიშვნელოვანია ამ მძიმე დროს.
კომენტარები