საქართველოს საპარლამენტო არჩევნების მეორე ტურში მაჟორიტარი დეპუტატის მანდატისთვის კენჭისყრა 17 ოლქში ტარდება. მეორე ტურში 7 პარტიის წარმომადგენლები გავიდნენ. თუმცა ოპოზიცია არჩევნებს გაყალბებულად მიიჩნევს და მეორე ტურში არ მონაწილეობს.
17-ვე ოლქში მეორე ტურში მონაწილეობისთვის საარჩევნო ბიულეტენზე ამომრჩევლებს პარტია „ქართული ოცნების“ კანდიდატების გვარების გარდა ოპოზიციის კანდიდატების გვარები მაინც დახვდებათ. მეორე ტურში სახელისუფლებო პარტიის გარდა 12 ოლქში გადავიდნენ „ნაციონალური მოძრაობის“ კანდიდატები, 2-ში – „ევროპული საქართველოს“, თითო-თითოში კი „ლეიბორისტული პარტიის“, „გირჩისა“ და „მოქალაქეების“ წარმომადგენლები.
მაჟორიტარულ ოლქებში დეპუტატობის კანდიდატები არიან:
#1 მაჟორიტარული ოლქი (მთაწმინდა-კრწანისი): შალვა შავგულიძე („ევროპული საქართველო“) და ბექა ოდიშარია („ქართული ოცნება“);
#2 მაჟორიტარული ოლქი (ვაკე): ელენე ხოშტარია („ევროპული საქართველო“) და ნოდარ ტურძელაძე („ქართული ოცნება“);
#3 მაჟორიტარული ოლქი (საბურთალო): ალეკო ელისაშვილი „მოქალაქეები“ და დავით სერგეენკო („ქართული ოცნება“);
#4 მაჟორიტარული ოლქი (ისანი): ხატია დეკანოიძე („ნაციონალური მოძრაობა”) და კახა კახიშვილი („ქართული ოცნება“);
#5 მაჟორიტარული ოლქი (სამგორი): ლევან ხაბეიშვილი („ნაციონალური მოძრაობა”) და სოზარ სუბარი („ქართული ოცნება“);
#6 მაჟორიტარული ოლქი (დიდუბე-ჩუღურეთი): ზურაბ ჯაფარიძე („გირჩი“) და გიორგი ვოლსკი („ქართული ოცნება“);
#7 მაჟორიტარული ოლქი (ნაძალადევი): შალვა ნათელაშვილი (ლეიბორისტული პარტია) და მიხეილ ყაველაშვილი („ქართული ოცნება“);
#8 მაჟორიტარული ოლქი (გლდანი): ნიკა მელია („ნაციონალური მოძრაობა”) და ლევან კობიაშვილი („ქართული ოცნება“);
#10 მაჟორიტარული ოლქი (თელავი-ახმეტა-ყვარელი-ლაგოდეხი): გიორგი ბოტკოველი („ნაციონალური მოძრაობა”) და ირაკლი ქადაგიშვილი („ქართული ოცნება“);
#11 მაჟორიტარული ოლქი (მცხეთა-დუშეთი-თიანეთი-ყაზბეგი): ცეზარ ჩოჩელი („ნაციონალური მოძრაობა”) და შალვა კერესელიძე („ქართული ოცნება“);
#12 მაჟორიტარული ოლქი (რუსთავი): დავით კირკიტაძე („ნაციონალური მოძრაობა”) და ნინო ლაცაბიძე („ქართული ოცნება“);
#16 მაჟორიტარული ოლქი (ხაშური-ქარელი: ნატო ჩხეიძე („ნაციონალური მოძრაობა”) და ზაალ დუგლაძე („ქართული ოცნება“);
#21 მაჟორიტარული ოლქი (ტყიბული-თერჯოლა-ზესტაფონი-ბაღდათი): კახა გეწაძე („ნაციონალური მოძრაობა”) და ბეჟან წაქაძე („ქართული ოცნება“);
#23 მაჟორიტარული ოლქი (ქუთაისი): გრიგოლ ვაშაძე („ნაციონალური მოძრაობა”) და ზაზა ლომინაძე („ქართული ოცნება“);
#27 მაჟორიტარული ოლქი (ზუგდიდი): მალხაზ ჯალაღონია („ნაციონალური მოძრაობა”) და ირაკლი ჩიქოვანი („ქართული ოცნება“);
#28 მაჟორიტარული ოლქი (ბათუმი): ლევან ვარშალომიძე („ნაციონალური მოძრაობა”) და რესან კონცელიძე („ქართული ოცნება“);
#30 მაჟორიტარული ოლქი (ხელვაჩაური-ქედა-შუახევი-ხულო): მიშა ბოლქვაძე(„ნაციონალური მოძრაობა”) და ანზორ ბოლქვაძე („ქართული ოცნება“).
მაჟორიტარული არჩევნების პირველ ტურში 13 ოლქში „ქართული ოცნების“ კანდიდატებმა გაიმარჯვეს. რაც შეეხება პროპორციულ სისტემას, ცესკოს ინფორმაციით, ბიულეტენების 100% დათვლის შემდეგ შედეგები ასეთია: „ქართული ოცნება“ – 48,22%; „ნაციონალური მოძრაობა – გაერთიანებული ოპოზიცია“ – 27,18%; „ევროპული საქართველო“ – 3.79%; „ლელო“ – 3,16%; „პატრიოტთა ალიანსი“ – 3,14%; „სტრატეგია აღმაშენებელი“ –3,15 %; „გირჩი“ – 2,89%; „ალეკო ელისაშვილი – მოქალაქეები“ – 1,33%; „ლეიბორისტული პარტია“ – 1%. დანარჩენმა პარტიებმა ამომრჩეველთა ხმების ერთ პროცენტზე ნაკლები აქვთ.
ოპოზიცია არჩევნებს გაყალბებულს უწოდებს და მეორე ტურში მონაწილეობაზე უარს აცხადებს.
საერთაშორისო დამკვირვებლებმა დაადასტურეს, რომ საქართველოში საპარლამენტო არჩევნებზე ფუნდამენტური თავისუფლებები და პროცედურების უმეტესობა დაცული იყო.
კომენტარები