“ქართული ოცნების” თავმჯდომარის, ირაკლი კობახიძის თქმით, წინასაარჩევნოდ, სიძულვილის კამპანიას ახლა ის პირები აპროტესტებენ, ვინც “თავის დროზე, ნეგატიური პოლიტიკური რეკლამის შენარჩუნებას ითხოვდა”.
კობახიძემ განმარტა, რომ 2019 წელს მმართველი გუნდი ნეგატიური პოლიტიკური რეკლამის აკრძალვაზე მსჯელობდა, თუმცა არასამთავრობო ორგანიზაციებმა და “რადიკალურმა ოპოზიციამ” მათ ინიციატივას მხარი არ დაუჭირა:
“მათი ინიციატივით სიძულვილმა გაიმარჯვა და საბოლოოდ, ეს ნორმა აღარ ჩაიდო საარჩევნო კოდექსში. დღეს იგივე ადამიანები, აქ არის მათ შორის რამდენიმე არასამთავრობო ორგანიზაცია. „საერთაშორისო გამჭვირვალობა“ იბრძოდა აქტიურად საარჩევნო კამპანიაში სიძულვილის ენის შენარჩუნებისთვის, ასევე საია, ISFED-ი. დღეს ეს ადამიანები გაკვირვებით საუბრობენ იმაზე, რატომ არის გამოკრული გარკვეული ბილბორდები ქუჩებში და ამის წინააღმდეგ აწარმოებენ კამპანიას”- ამბობს კობახიძე
“ოცნების” თავმჯდომარემ მესამე სექტორი დღეს ორმაგ სტანდარტებსა და მიკერძოებულობაში დაადანაშაულა.
კომენტარები