ამერიკულმა ტრანსნაციონალურმა საფინანსო სისტემამ, Mastercard-მა მისი პლასტიკური ბარათებით მომსახურების ქსელიდან გათიშა რუსეთის საფინანსო დაწესებულებები, რომელთა წინააღმდეგ სანქციები მოქმედებს უკრაინაზე რუსეთის თავდასხმის გამო.
ინფორმაციას ამის შესახებ სააგენტო Reuters-ი ავრცელებს.
გარდა ამისა, უახლოეს დღეებში Mastercard-ი გააგრძელებს მარეგულირებელებთან მუშაობას და 2 მილიონ დოლარს გამოჰყოფს ჰუმანიტარული დახმარებისთვის.
კომპანია Visa-მ ასევე განაცხადა, რომ ზომებს იღებს სანქციების შესრულების უზრუნველსაყოფად და ასევე შეასრულებს ნებისმიერ დამატებით სანქციას, რომელიც შეიძლება დაწესდეს.
უკრაინაზე რუსეთის თავდასხმის გამო, აშშ-მა სანქციები დაუწესა მსხვილ რუსულ ბანკებს, მათ შორის VTB-ს. რუსეთის საბანკო სისტემის წინააღმდეგ სანქციები აამოქმედეს ევროკავშირმა და დიდმა ბრიტანეთმაც.
კომენტარები