„მასხრობას დაემსგავსა ეს სანქცირება უკვე“- დაჩი ბერაია

უმრავლესობის წევრი, დაჩი ბერაია აშშ-ს მიერ დაწესებულ სანქციებზე:

„მასხრობას დაემსგავსა ეს სანქცირება უკვე. რას ნიშნავს აბა ეხლა ეს, 60 კაცს ვასანქცირებ და 4 გვარს ვამბობ მხოლოდ. რანაირი მიდგომაა ეს? ასანქცირებენ ადამიანს და სახელს და გვარსაც კი არ ეუბნებიან. ალბათ, არც დასანქცირებულმა პირებმა არ იციან იმის შესახებ, რომ დასანქცირებულები არიან. არასერიოზული მიდგომაა უკვე. როგორც ვიძახდი, ისინი ამ მეთოდით ცდილობენ შეაშინონ ქართველი ადამიანები, ისინი, ვინ ქართულ ტრადიციებს პატივს სცემენ. ყველა ის ადამიანი, რომელიც მათთვის არის დასანქცირების ობიექტი, არის იმიტომ ობიექტი, რომ ქართულ ტრადიციებს პატივს სცემენ”, – ამბობს დაჩი ბერაია.“