“ფორმულას” გენერალური დირექტორი, მიშა მშვილდაძე:
“უნგრეთის ამბავი საქართველოშიც განმეორდება – ასეთი ფორმით, ისეთი ფორმით, ზუსტად ასე თუ აბსოლუტურად განსხვავებულად – როგორც ორბანი მოისროლა უნგრეთმა, ისე მოისვრის ბიძინასაც საქართველო.
ახლა ტისას და მადიარის ისტორიის ზუსტ გამეორებას ვინც ელოდება – რავი, მაშინ ნუგო უნდა გაშორდეს წულუკიანს და პარტია გააკეთოს და ეგ ვარიანტი მე ცოტა არა მგონია:”
ცნობისთვუს, პეტერ მადიარი ყურადღების ცენტრში 2024 წელს მოექცა მას შემდეგ, რაც გაირკვა, რომ ორბანის მთავრობამ, რომლის პროპაგანდაც წლების განმავლობაში „ქრისტიანი ოჯახებისა და ბავშვების დაცვას“ ეფუძნებოდა, შეიწყალა ბავშვთა სახლის დირექტორის ყოფილი მოადგილე ენდრე კონია, რომელიც მსჯავრდებული იყო ბავშვთა სახლში სექსუალური ძალადობის სკანდალის დაფარვის დახმარებაში.
თავდაპირველად, მთავრობამ სკანდალის დაფარვა სცადა, მაგრამ მედიაში კრიტიკული რეპორტაჟების სერიის და პრეზიდენტის სასახლის წინ გამართული პროტესტის შემდეგ, უნგრეთის პრეზიდენტი კატალინ ნოვაკი თანამდებობიდან გადადგა.
იუსტიციის მინისტრის პოსტი დატოვა იუდიტ ვარგამაც, მადიარის ყოფილმა მეუღლემ, იმ დროისთვის წყვილი უკვე დაშორებული იყო.
პრეზიდენტმა ნოვაკმა, იმდროინდელი იუსტიციის მინისტრის, ვარგას კონტრასიგნაციით შეიწყალა მსჯავრდებული თანამდებობის პირი, რომელიც პედოფილი დამნაშავის, ბავშვთა სახლის ყოფილი დირექტორის, ინტერესებიდან გამომდინარე მოქმედებდა.
ამ ამბიდან მალევე მადიარმა ჯერ ფეისბუქზე გამოაქვეყნა კრიტიკული პოსტი, მერე კი, 2024 წლის თებერვალში, უნგრეთის YouTube არხს, „პარტიზანს“ მისცა ვიდეოინტერვიუ, რომელშიც ორბანი და მისი მოკავშირეები „შეწყალების სკანდალში“ „ქალის კალთებს მიღმა დამალვაში“ დაადანაშაულა.
ინტერვიუ მილიონობით უნგრელმა ნახა.
კომენტარები