“ქართული ოცნების თავმჯდომარე, ირაკლი კობახიძე დღეს მამაზე, გია კობახიძეზე დასმულმა კითხვამ, რბილად რომ ვთქვათ, გააღიზიანა. თუმცა, აქვე უნდა ითქვას ისიც, რომ ირაკლი კობახიძეს მამის ყოფილი თანამებრძოლებიც აღიზიანებენ და ხშირად აკრიტიკებს, მაგალითად, ნინო ბურჯანაძეს, რომელმაც, გასულ წელს, მაგალითად, ასე უპასუხა “ტვ პირველთან” საუბრისას:
“კობახიძე ჩემი პარტიის პროცენტებზე რომ ლაპარაკობს, მე მიუხედავად იმისა, რომ კობახიძემ ყველაზე მეტი მტრობა გაგვიწია ბიძინას შემდეგ, კარგად შეასრულა მისი დავალებები და თავადაც რაღაც წაამატა, მე ვზოგავ მას და რააღაცეებს არ ვამბობ. ეტყობა კობახიძეს იმის იმედი აქვს, რომ არის რაღაცა, რასაც ბურჯანაძე არ იტყვის, იმიტომ, რომ არ გადავა იმ ზღვარს რასაც ადამიანობა ჰქვია, თუმცა, კობახიძე და მისი ოჯახი ამას ნამდვილად იმსახურებს.
ზუსტად ვიცი, ვიცი მისი კომპლექსების და ჩემი პარტიის მიმართ დამოკიდებულების მიზეზი რა არის, მაგრამ ძალიან ვზოგავ, კობახიძე პრორურსულ პარტიაზე რომ ლაპარაკობს დედამისი და მამამისი იმ პრორუსულ პარტიაში არ იყვნენ, პუტინს რომ ხვდებოდა ბურჯანაძე? მაშინ არ ვიყავი პრორუსული, თუ თუ მაშინ არა უშავდა, პრორუსული რომ ვიყავი? ამაზრზენი ხდება უკვე და გეყოფა ირაკლი, რაც გააკეთე!
კიდევ ერთი განცხადება, 2020 წელს ნინო ბურჯანაძემ ირაკლი კობახიძეზე პალიტრანიუსთან გააკეთა და თქვა:
“რა ტრავმა გაქვს შვილო ამისთანა მიღებული?! ასეთი ცინიზმი, ასეთი ბოღმა გაქვს, ასეთი მიუღებლობა გაქვს ადამიანების მიმართ და ასე ზემოდან უყურებ?! ვისაც ორი წიგნი აქვს წაკითხული, ყველა ის ადამიანი ხვდება, რომ რაღაც ისეთი კომპლექსი გაქვს, რომ უბედურებაა შენ თავს და მოგხედოს პატრონმა. არ შეიძლება ჩათვალო, რომ ყველას იყიდი, ყველას ღირსებას წაართმევ, ყველას გადაუვლი.”
კომენტარები