ნაცმოძრაობის წევრი გია ბარამიძე კირთაძეზე თავდასხმას ეხმაურება:
„მეგობრებო, ცოტა ხნის წინ ბათუმში ფორმულას პირდაპირ ეთერში მყოფ გიორგი კირთაძეს ვიღაც გარეწარი (ცხადია ქოცების მოგზავნილი) დაესხა თავს და ლაყე კვერცხები ესროლა.
ჩვენს გუნდში მიმდინარე შიდა პროცესების მიუხედავად, ვფიქრობ აუცილებელია, ყველამ ერთად გამოვხატოთ გიორგისადმი სოლიდარობა და ქოცების ამ ნაძირლობას ერთად უნდა ვუპასუხოთ განურჩევლად იმისა, თუ ვინ რომელ კანდიდატს უჭერს მხარს.
ჩვენი გუნდის, მიშას და საქართველოს მტრებმა ჩათვალეს, რომ ახლა ის დროა, რომ ასე შეიძლება რომელიმე ჩვენგანს თავს დაესხან და შეურაცხყოფა მიაყენონ.
ამ არაკაცმა ფორმულას ჟურნალისტ გოგონასაც მიყენა ფიზიკური შეურაცხყოფა.
ახლა თვითოეულ ჩვენგანზე, ჩვენს შეგნებაზე, პასუხისმგებლობის განცდასა და ადამიანობაზეა, როგორ ვაჩვენებთ ჩვენი გუნდის ერთიანობას და იმას რომ, ჩვენი გუნდის შიგნით რა პროცესებიც არ უნდა მიმდინარეობდეს, ასეთი ძალადობრივი შემოტევების წინაშე ყველანი როგორც ერთი, ისე ვიმოქმედებთ და ამ ნაძირალა თავდამსხმელებს შესაბამისად ვაგებინებთ პასუხს.
გაღმა შეედავე, გამოღმა შეგრჩებაო, ეს მართლა საქართველოს მოღალატეები, ჩვენი გუნდის წევრებს, ბედავენ და უწოდებენ “მოღალატეებს”.
მართლა ყველაფერს აქვს საზღვარი.
ნათელია, რომ მიშას ნელი მკვლელობის მცდელობის ფონზე, პუტინისტი ოლიგარქის რეჟიმი ცდილობს საქართველოში ძალადობის მორიგი ტალღისა და სამოქალაქო დაპირისპირების პროვოცირებას, რომ ქვეყანაში შექმნილი უმძიმესი სოციალური მდგომარეობის ფონზე, ხალხის ყურადღება არა ადამიანებისა და ოჯახების პრობლემების მოგვარებაზე გაამახვილოს, არამედ ეცდება საზოგადოების დახლეჩა გააგრძელოს და რეჟიმის ოპონენტების, თავისუფალი მედიისა და ვინც მათ არ მოსწონთ, წინააღმდეგ ძალადობის კიდევ უფრო დიდი ტალღა ააგოროს.
ყველა ნორმალური ადამიანისა და შეგნებული მოქალაქის ვალია, ეს არ დაუშვას და იმოქმედოს ორგანიზებულად და ერთიანად.
ამ ნაძირლებმა უნდა ნახონ ჩვენი ერთიანობის ძალა! 
საქართველოში უნდა გათენდეს და თუ ერთიანები ვიქნებით, ასეც მოხდება. 
კომენტარები