დიეგო არმანდო მარადონა 25 ნოემბერს, 60 წლის ასაკში გარდაიცვალა. ყველა დროის საუკეთესო ფეხბურთელის გარდაცვალების შემდეგ, მრავალი კითხვა რჩება, განსაკუთრებით იმასთან დაკავშირებით, თუ ვინ მიიღებს მის ქონებას, რომელიც საკმაოდ სოლიდურად შეფასდა.
მისი ქონება ძირითადად შედგება არაერთი მამულისგან, ბინებისა და სახლებისგან ბუენოს აირესის ელიტარულ უბნებში. ამას გარდა, ლეგენდარული არგენტინელი ფლობდა ვენესუელაში ქარხანას, ჰავანაში ძვირადღირებულ სასტუმროს, მანქანებსა და ძვირფასეულობას, მისი ქონება კი დაახლოებით 50 მილიონ დოლარად არის შეფასებული.
არგენტინული მედია წერს, რომ მარადონას ოჯახის 16 წევრმა შეიტანა განცხადება, რომელთაც სურთ მიიღონ თავიანთი მემკვიდრეობის წილი, თუმცა ანდერძი არ არსებობს.
მარადონამ ოფიციალურად ხუთი შვილი ცნო, არგენტინულ მედიაში კი გავრცელდა ინფორმაცია, რომ მას რეალურად შვიდი ქალისგან 11 შვილი ჰყავს. კანონიერ შვილებს მემკვიდრეობის უფლება აქვთ და ისინი, ვინც მარადონამ არ აღიარა, ახლა ეძებენ გზებს იმის დასამტკიცებლად, რომ ისინიც ფეხბურთის ლეგენდის შთამომავლები არიან.
კომენტარები