72 წლის მამაკაცს საკუთარი ქმედება ძალიან ძვირად დაუჯდა. მან ამალიადაში, კერძოდ, მარათიას ტყეში, ახალშობილი ლეკვები ბედის ანაბარა მიატოვა, ამის გამო კი, 250.000 ევროთი დაჯარიმდა. – წერს georgians.gr
გავრცელებული ინფორმაციით, მამაკაცმა 8 ლეკვი და მათი დედა თავისი ფურგონით გადაიყვანა ტყეში და იქ დატოვა. ეს ყველაფერი ერთ-ერთმა ადგილობრივმა შენიშნა, პოლიციაში განაცხადა და ოფიცრებმა იპოვეს როგორც ლეკვები და მათი დედა, ასევე 72 წლის ბერძენი, რომელიც დააკავეს.
ცხოველთა მიმართ სასტიკი მოპყრობის მუხლით გათვალისწინებულმა ჯარიმამ, 8 ლეკვისა და მათი დედის შემთხვევაში 250.000 ევროს მიაღწია და მოხუცს ამ თანხის გადახდა მოუწევს.
როგორც ირკვევა, ძაღლსა და მის 8 ლეკვს ილიდას თავშესაფარი შეიფარებს.
კომენტარები