მამა პეტრე კოლხი სოციალურ ქსელში წერს იმის შესახებ, რომ ბევრი ვერ იყენებს იმ შანსს, რომელიც ღმერთმა მისცა.
„ღმერთი ყველას აძლევს შანსს, ბედნიერი, გახარებული და წარმატებული იყოს. ამ შესაძლებლობას სწორად ძალიან ცოტა იყენებს… უმეტესობა დროს სხვის ლანძღვას და გამკითხვას უთმობს და ყველა საშუალება ეცლება ხელიდან, რითიც საკუთარ ცხოვრებას საუკეთესოდ მოიწყობდა.
მერეც უჭირს, დაფიქრდეს და სწორი დასკვნები გამოიტანოს. ურჩევნია, საკუთარი წარუმატებლობა, სიზარმაცე, ბოროტი განზრახვები სხვას გადააბრალოს. დაიწყოს ჭორაობა, განკითხვა, ცილისწამება…
საბოლოოდ გაბოროტებული, თავის დამძიმებულ ყოფას, ადამიანებთან ერთად, ღმერთსაც აბრალებს და ,,სიმართლის მანტია” მორგებული იწყებს ქარის წისქვილების დევნას.
ცხადია, ამ ტიპის ომი აუცილებლად წაგებულია…
შანსი, რომელიც ღმერთმა მოგვცა, მაგრამ საკუთარ თავს ვართმევთ, მეორედ აღარ ბრუნდება…
და ამიტომ, ბევრი ისე მიდის ამ სამყაროდან, ვერაფერს ახერხებს, ქვებზე შხამის დატოვების გარდა… იმ შხამს, მხოლოდ თავად ეწირება და დამტირებელიც აღარ რჩება, რადგან ყველას მოაბეზრა თავი!..“
კომენტარები