აშშ-ის სახელმწიფო მდივანი მაიკ პომპეო საქართველოში ოფიციალურ შეხვედრებს დღეს დილიდან დაიწყებს. ამერიკის პირველი დიპლომატი პრემიერს, პრეზიდენტს, საგარეო საქმეთა მინისტრს, პატრიარქსა და სამოქალაქო საზოგადოების წარმომადგენლებს შეხვდება.
მაღალი დონის შეხვედრებზე განიხილება ამერიკა-საქართველოს სტრატეგიული პარტნიორობის ქარტიით გათვალისწინებული საკითხები და თანამშრომლობის გაღრმავების პერსპექტივები: თავდაცვისა და უსაფრთხოების, ვაჭრობისა და ეკონომიკის, დემოკრატიის, ხალხთა შორის კონტაქტების, განათლებისა და კულტურული გაცვლის მიმართულებით. მხარეები იმსჯელებენ საქართველოსა და რეგიონში უსაფრთხოების გარემოზე, ასევე განიხილავენ ქვეყანაში მიმდინარე დემოკრატიულ და ეკონომიკურ რეფორმებს.
თბილისი მაიკ პომპეოს იმ ტურნეს ნაწილია, რომელიც ევროპასა და ახლო აღმოსავლეთს მოიცავს. აშშ-ის სახელმწიფო მდივანი საქართველოში თურქეთიდან ჩამოვიდა და შემდეგ ისრაელში გაემგზავრება.
კომენტარები