დონალდ ტრამპის ვიცეპრეზიდენტი, მაიკ პენსი, ბაიდენის ინაუგურაციას დაესწრება. ინფორმაციას ამის შესახებ СNN ავრცელებს.
კვირის დასაწყისში პენსისგან გავიგეთ, რომ ის მზად იყო ცერემონიაზე დასასწრებად და მოწვევას ელოდებოდა.
პარასკევს კი, ცერემონიაზე პირადად ბაიდენმა მიიწვია, აშშ-ის 46-ე პრეზიდენტმა განაცხადა, რომ ინაუგურაციაზე ვიცეპრეზიდენტის ყოფნა მისთვის დიდი პატივი იქნება.
“ვფიქრობ, მნიშნელოვანია, რომ განვაგრძოთ მთავრობის ცვლილების პროცედურა ისე, როგორც ისტორიის განმავლობაში… ჩვენთვის პატივი იქნება თუ მაიკი იქ [ინაუგურაციაზე] იქნება და განვაგრძობთ ტრანზიციაზე მუშაობას”, – თქვა ბაიდენმა.
აღსანიშნავია, რომ ცერემონიაზე მისვლას არ აპირებს მოქმედი პრეზიდენტი, დონალდ ტრამპი. ამის შესახებ მან განცხადება 8 იანვარს გააკეთა. მალევე ტრამპს ბაიდენმაც უპასუხა და თქვა, რომ მოქმედი პრეზიდენტის ინაუგურაციაზე ნახვა არ სურს, რადგან “ტრამპი ამერიკის პრეზიდენტობის ღირსი არ ყოფილა”.
თუ ჯერ კიდევ მოქმედი პრეზიდენტი მართლაც ასე მოიქცა, ის აშშ–ის ისტორიაში, ჯონ ადამსის, ჯონ ქუინსის და ენდრიუ ჯონსონის შემდეგ, მე–4 პრეზიდენტი გახდება, ვინც ძალაუფლების გადაბარებას არ დაესწრო.
ცნობისთვის, ვაშინგტონში ბაიდენის ინაუგურაცია 20 იანვარსაა დაგეგმილი.
კომენტარები