“ჟურნალისტთა უსაფრთხოების პლატფორმა” (SJP) ეხმიანება საზოგადოებრივი მაუწყებლის გარშემო მიმდინარე პროცესებს და ჟურნალისტების წინააღმდეგ ზეწოლაზე საუბრობს. პლატფორმა ვასილ მაღლაფერიძეს ბრალად სდებს იმ ჟურნალისტების დაშინებას, ვინც არხის მენეჯმენტს და სარედაქციო პოლიტიკას აკრიტიკებს.
SJP-ის თქმით, სამეურვეო საბჭოს ახლადარჩეული თავმჯდომარე მაღლაფერიძე მენეჯმენტს “მცველების” საქმის პროკურატურისთვის გადაცემას სთავაზობდა და პროცესში პირადი, პოლიტიკური თუ ფინანსური ინტერესების არსებობაზე მიუთითა.
პლატფორმა მიუთითებს, რომ მაღლაფერიძე თავმჯდომარედ ერთადერთი კანდიდატით აირჩიეს, ხოლო კრიტიკულად განწყობილ ჟურნალისტებს სხდომაზე დასწრების უფლება არ მიეცათ. მისივე განცხადებით, მაღლაფერიძემ თავი აარიდა პასუხს კითხვაზე, რატომ ხდება ჟურნალისტების დისკრედიტაცია.
SJP ვასილ ივანოვ-ჩიქოვანის ეთერიდან მოხსნას კიდევ ერთ შემაშფოთებელ სიგნალად აფასებს და ამახვილებს ყურადღებას იმაზე, რომ საზოგადოებრივი მაუწყებელი მმართველი პარტიის ინტერესებს ემსახურება და ზღუდავს დამოუკიდებელი ჟურნალისტების საქმიანობას.
კომენტარები