აჭარაში მთელი ღამის განმავლობაში გადაუღებლად თოვდა. დიდთოვლობამ პრობლემები შექმნა გადაადგილების კუთხით. შიდა სასოფლო გზების ნაწილი ისევ ჩაკეტილია. მოქალაქეები ამბობენ, რომ სოფლიდან ცენტრალურ გზამდე მისასვლელად რამდენიმე კილომეტრი ფეხით გაიარეს. გართულებულია გადაადგილება დაბალი გამავლობის ავტომობილებით.
ინტენსიური თოვის გამო, აჭარის მაღალმთიან სოფლებშიც პრობლემებია. გზებზე თოვლის საფარი ორ მეტრს აღწევს, ჩაკეტილია შიდა სასოფლო გზები. აქტიურ გაწმენდით სამუშაოებს ხილვადობის პრობლემა აფერხებს. რამდენიმე სოფელში ელექტროენერგიის მიწოდება შეზღუდული იყო.
აჭარის საავტომობილო გზების დეპარტამენტის უფროსი მოსახლეობას მოუწოდებს, გადაადგილდნენ მხოლოდ მაღალი გამავლობის ავტომობილებით და შესაბამისი ზამთრის საბურავებით.
კომენტარები