„ლომჯარიას უწევს იმ დაკვეთის შესრულება, რის გამოც ოპოზიციამ სახალხო დამცველის პოზიციაზე წარადგინა “ – ირაკლი ქადაგიშვილი

ნინო ლომჯარიამ არ უნდა აკეთოს იმგვარი განცხადებები და ქმედებები, რომლის მიზანიც არის, რომ რამენაირად პატიმრობიდან დაიხსნას სააკაშვილი. ეს არ არის სახალხო დამცველის არც მანდატი და არც ფუნქცია –  ამის შესახებ საპარლამენტო უმრავლესობის წევრმა ირაკლი ქადაგიშვილმა განაცხადა.

„კიდევ ერთხელ კარგად ჩანს, ის, რაც თავის დროზე ირაკლი კობახიძემ თქვა, რომ ლომჯარია იყო შეთანხმების შედეგად დანიშნული, ის გარკვეულწილად ოპოზიციის კანდიდატად განიხილეს და მივიღეთ თავის დროზე „ქართულმა ოცნებამ“. დღეს ლომჯარიას უწევს იმ დაკვეთის შესრულება, რის გამოც ის ოპოზიციამ წარადგინა სახალხო დამცველის პოზიციაზე. ეს კიდევ ერთხელ გვიჩვენებს, რამდენად მოწყვლადია ადამიანი, რომელიც ასრულებს კონკრეტული, რადიკალური ოპოზიციური ძალების დაკვეთას და არ ასრულებს იმ მოვალეობას, რაც მას კანონით აქვს განსაზღვრული. მმართველი პარტიის პოლოტიკურ ლიდერთან დაკავშირებით მისი პოლიტიკური შეფასებები ამის ყველაზე ნათელი ლუსტრაციაა იმ ადამიანებისთვის, ვინც ერკვევა, რა არის უფლებადამცველი და რა არის სახალხო დამცველის კომპეტენცია“, – აღნიშნა ირაკლი ქადაგიშვილმა.