რადას დეპუტატმა და საქართველოს ექსპრეზიდენტის, მიხეილ სააკაშვილის პარტნიორმა ლიზა იასკომ სოციალურ ქსელში დაწერა, რომ საქართველოს მესამე პრეზიდენტს სასწრაფოდ სჭირდება ისეთ საავადმყოფოში გადაყვანა, სადაც იქნება უსაფრთხო გარემო და შესაბამისი მკურნალობა.
იასკოს თქმით, რუსული პროპაგანდა ნამდვილად კარგად მუშაობს და სხვადასხვა ტექნოლოგიებით ხდება სააკაშვილის ჯანმრთელობის მდგომარეობის შესახებ სიმართლის დისკრედიტაცია და გაუფასურება.
„არაფერს არ ვწერ ქართულ პოლიტიკაზე, არაფრის თქმა არ მსურს მაგაზე, როდესაც მიშას ასეთი უბედურება სჭირს. მიხეილ სააკაშვილი სულ უფრო და უფრო ცუდადაა. ესენი კი გვიყვებიან, რომ ის კარგად არის. საერთაშორისო ექსპერტიზის შედეგები სულ სხვა რამეზე მეტყველებს და მას სასწრაფოდ სჭირდება ისეთ საავადმყოფოში გადაყვანა, სადაც იქნება უსაფრთხო გარემო და შესაბამისი მკურნალობა.
ბოლო დღეებში მისი წონა 68 კგ გახდა და ის შშმ პირის ეტლით გადაადგილდება. კარგავს გონებას, ასევე გაურთულდა ნევროლოგიური და გასტგროენტეროლოგიური პრობლემები. არც კი ვიცი რა სიტყვებით ვისაუბრო ამის შესახებ და ვამცნო მთელ მსოფლიოს. რუსული პროპაგანდა ნამდვილად კარგად მუშაობს და სხვადასხვა ტექნოლოგიებით ხდება მიშას ჯანმრთელობის მდგომარეობის შესახებ სიმართლის დისკრედიტაცია და გაუფასურება“, – აცხადებს იასკო.
კომენტარები