ლიტერატურის მუზეუმის დირექტორი, ლაშა ბაქრაძე, კულტურის სამინისტროში არ შეუშვეს და მის ნაცვლად აუდიტის სამსახურს ახსნა-განმარტებას მოადგილე, თეა თვალავაძე, აძლევს. ამის შესახებ ინფორმაციას ტვ პირველი ავრცელებს.
ლიტერატურის მუზეუმის დირექტორის მოადგილემ აუდიტის სამსახურს უნდა განუმარტოს, როგორ დაუშვეს შეცდომა ელენე დარიანის წიგნის ბეჭდვისას და რა გაკეთდა ხარვეზის გამოსასწორებლად.
შეხვედრა დახურულ ფორმატში მიმდინარეობს, ამიტომაც მედიისთვის უცნობია, აუდიტის სამსახურს რა კონკრეტული კითხვები აქვთ ლიტერატურის მუზეუმის მისამართით.
ლაშა ბაქრაძე აცხადებს, რომ არაკოლეგიალური იყო მინისტრ წულუკიანის ქმედება, რომელმაც განცხადება მათთან შეთანხმების გარეშე გაავრცელა.
ლიტერატურის მუზეუმის დირექტორის განმარტებით, ელენე დარიანის წიგნთან მიმართებაში დაუშვეს შეცდომა, რის გამოც მათ ბოდიში მოიხადეს. ამ ეტაპზე კი ახალი თანხების მოძიებას ცდილობენ, რომ ხარვეზი გამოსწორდეს.
აუდიტთან შეხვედრაზე მხოლოდ ჩემი მოადგილე, თეა თვალავაძე და ამ წიგნის რედაქტორი არიან დაბარებულები. თუმცა, ვფიქრობ, მთელ ამ პრობლემებზე მეც ისევე პასუხისმგებელი ვარ, უფრო მეტად თუ არა. შეცდომები დავუშვით, ბოდიში მოვიხადეთ და ვფიქრობ, ზედმეტი ვნებათა ღელვა ამდენი საჭირო არ იყო.
არაკოლეგიალური იყო{წულუკიანი} რადგან შეეძლო, ჩვენთვის ნეთქვა, როცა ასეთი განცხადების გაკეთებას აპირებდა. ასეთი განცხადებები მიმაჩნია, რომ უნდა გაკეთდეს შეთანხმებით. როგორც ჩანს, კულტურის სამინისტროს უნდა, უფრო მეტი კონტროლი ჰქონდეს მისდამი დაქვემდებარებულ სიპებზე. – განაცხადა ლაშა ბაქრაძემ.
თავად ლაშა ბაქრაძეს სურს, შეხვდეს კულტურის მინისტრს, თეა წულუკიანს, თუმცა, ვიზიტის შესახებ მას პასუხი არ მიუღია.
კომენტარები