ქვეყანაში COVID 19-ის პანდემიის გავრცელების მაღალი მაჩვენებლის გამო, უფროსი თაობის მომხმარებლების უსაფრთხოების დაცვის მიზნით, ლიბერთი დამატებითი რესურსის მობილიზებას იწყებს. ამის შესახებ ლიბერთი ბანკის განცხადებაშია ნათქვამი.
ბანკის ინფორმაციით, მომხმარებელთა ვაქცინაციაზე რეგისტრაციაში დახმარების პროცესი 16 აგვისტოდან დაიწყება.
„შექმნილი ეპიდემიოლოგიური ვითარებისა და ადგილობრივი საჭიროებების გათვალისწინებით, ბანკის ფილიალებში მკაცრად რეგულირდება მომხმარებელთა რიგები, შეცვლილია თანამშრომელთა სამუშაო გრაფიკები და აქტიურად მიმდინარეობს პროცესის ყოველდღიური მონიტორინგი.
უსაფრთხო და კომფორტულ გარემოში მომსახურების მისაღებად, ლიბერთის ყველა ფილიალში დაცულია კოვიდრეგულაციები. ყველაზე დატვირთული სერვისცენტრების გარე სივრცეში მომხმარებლებისთვის ხელმისაწვდომია, ასევე, სასმელი წყალი, ქოლგები და სადეზინფექციო საშუალებები.
16 აგვისტოდან, ლიბერთი თავის მომხმარებელს კიდევ ერთ მნიშვნელოვან სიახლეს შესთავაზებს. მათი სურვილის შემთხვევაში, ბანკის თანამშრომლები COVID 19-ის საწინააღმდეგო ვაქცინაზე დარეგისტრირებაში დაეხმარებიან მთელი საქართველოს მასშტაბით. ახალი სერვისი განსაკუთრებით უფროსი თაობის მომხმარებელზე ზრუნვის ფარგლებში ინერგება, რათა მათთვის ვაქცინაცია უფრო ხელმისაწვდომი იყოს“, – აღნიშნულია განცხადებაში.
კომენტარები