“ლეიბორისტული პარტიის“ პარლამენტში შესვლა ცოტა დაგვიანებულია – შალვა პაპუაშვილი

საქართველოს პარლამენტის თავმჯდომარე შალვა პაპუაშვილი მიიიჩნევს, რომ „ლეიბორისტული პარტიის“ პარლამენტში შესვლა შესაძლოა, დაგვიანებული იყოს.

„რა გითხრათ, ჩემი შეფასებით, ალბათ ცოტა დაგვიანებულია, რადგან ჩვენ ვნახეთ, რომ ერთი წელი არც ერთხელ არ იმყოფებოდნენ პარლამენტის შენობაშიც კი. ჯერ როგორც ვხვდები, გადაწყვეტილიც არ აქვთ“, – განაცხადა შალვა პაპუაშვილმა.

„საერთო ჯამში, ეს ბოიკოტი, თუ საბოტაჟი მიმართულია არა „ქართული ოცნების“ წინააღმდეგ, არამედ მიმართულია პარლამენტის, როგორც ინსტიტუტის წინააღმდეგ. შესაბამისად, ეს ბოიკოტი არის მიმართული ხალხის წინააღმდეგ, იმ ხალხის, რომელმაც 2020 თუ 2021 წელს არჩევნებში საკუთარი არჩევანი გააკეთა.

აქედან გამომდინარე, ეს არის დემოკრატიული კალაპოტიდან ამოვარდნა. ჩვენ სულ ამას ვსაუბრობდით, რომ პრობლემა „ნაციონალური მოძრაობას“ თუ სხვა პარტიებს, რომლებიც მიკედლებული არიან „ნაციონალურ მოძრაობასთან“, აქვთ ქართველ ხალხთან და დემოკრატიასთან, იმიტომ რომ არ აღიარებდნენ არჩევნებს“, – აცხადებს შალვა პაპუაშვილი.