„ლეიბორისტული პარტიის“ წევრის, მიხეილ ქუმსიშვილის განცხადებით, დღეიდან პარლამენტში პარტიის ოფისს ხსნიან, რომლის კარიც ყველასთვის ღია იქნება.
„ხვალ „ლეიბორისტული პარტიის“ ოფისში გაიმართება პარტიის პოლიტიკური კომიტეტის სხდომა და პოლიტიკური კომიტეტი მიიღებს შესაბამის გადაწყვეტილებას. ჩვენ აქ გავხსნით საპარლამენტო ოფისს, სადაც ყოველთვის ყველა მოქალაქისთვის ღია იქნება კარი, ნებისმიერ შემთხვევაში შეეძლებათ მოსვლა და ჩვენთან აქტიური კომუნიკაცია. ეს არ იქნება საპარლამენტო ოფისი, მსგავსი სხვა მძინარე დეპუტატების კაბინეტებისა, სადაც არც კი ახსოვთ, რომ მოქალაქეებთან ანგარიშვალდებულნი არიან. ხვალ უკვე იქნება ოფიციალური გადაწყვეტილება. შემდეგ შალვა ნათელაშვილი აქტიურად შეუდგება საქმიანობას მას შემდეგ, რაც ეს გადაწყვეტილება იქნება მიღებული“, – განაცხადა მიხეილ ქუმსიშვილმა.
კომენტარები