СССР – წარწერა ალასკაში ჩასული რუსეთის საგარეო საქმეთა მინისტრის, სერგეი ლავროვის მაისურზე. ლავროვმა დღეს დაგეგმილ აშშ-რუსეთის სამიტში უნდა მიიღოს მონაწილეობა.
“ჩვენ არაფერს ვგეგმავთ წინასწარ. ჩვენ ვიცით ჩვენი არგუმენტები. ჩვენ ნათელი, გასაგები პოზიცია გვაქვს. ჩვენ მას დავაფიქსირებთ. აქ სტივ ვიტკოფის ვიზიტის დროს უკვე ბევრი რამ გაკეთდა. ის პრეზიდენტ ტრამპის სახელით საუბრობდა. მე იმედი მაქვს, რომ დღეს გაგრძელდება ძალიან სასარგებლო საუბარი” – ამბობს რუსეთის საგარეო საქმეთა მინისტრი, სერგეი ლავროვი ალასკაში დაგეგმილ ტრამპი-პუტინის შეხვედრაზე.
სამიტი, ალასკას დროით, 11:00 საათზე (თბილისის დროით 23:00 საათზე) თავდაპირველად ტრამპი-პუტინის შეხვედრით დაიწყება, მოგვიანებით კი რუსეთ-აშშ-ს დელეგაციების შეხვედრით გაგრძელდება.
კომენტარები