რადგანაც ჩვენ ჩვენი ნიურნბერგის პროცესი არ გვქონია და ეს [„ნაციონალური მოძრაობის“ მმართველობის დროს ჩადენილი დანაშაულები] საჯაროდ ყველგან არ იყო დაფიქსირებული და ახალი თაობა ამ კონტექსტში არ იყო აღზრდილი, სამწუხაროდ, ამ გულანთებული ახალგაზრდების მოტყუება, შეცდომაში შეყვანა ადვილია, – ამის შესახებ ეკონომიკურ მეცნიერებათა დოქტორმა, ეკონომიკის ექსპერტმა ლადო პაპავამ გადაცემაში „იმედი LIVE“ განაცხადა. მისივე თქმით, ქვეყანაში მუდმივი არასტაბილურობა მხოლოდ მტრის ინტერესებშია, ყოფილი პრეზიდენტის დაბრუნება კი სწორედ არასტაბილურობას იწვევს.
„საქართველო არის კრემლის ხაფანგში და ხაფანგის მიზანი რა არის? ხელისუფლებაში არა ღიად პრორუსული ძალის მოყვანა, რაც არ სჭირდება, იმიტომ, რომ მერე რაღაც აფხაზეთში უნდა დათმოს, რაღაც ცხინვალში უნდა დათმოს, მთავარი მიზანი არის სტაბილური არასტაბილურობა. ამისთვის საჭიროა სააკაშვილი. საჭიროა არასტაბილურობა უკრაინაში – გამოიყენებენ უკრაინაში, საჭიროა საქართველოში – გამოიყენებენ საქართველოში. ყველაზე კარგი სცენარი მოსკოვისთვის არის მუდმივად იყოს არასტაბილურობა. ამიტომ, მოდით პრორუსულობაზე ნურავინ დადებს თავს. გაცნობიერებულად თუ გაუცნობიერებლად ადამიანი თუ იწვევს არასტაბილურობას, უნდა იცოდეს, რომ წყალს ასხამს კრემლის წისქვილზე“, – განაცხადა პაპავამ.
კომენტარები