“კვარაცხელიამ მარადონას დონის გოლი გაიტანა” – ლუჩანო სპალეტი

იტალიის სერია A-ს 26-ე ტურში “ნაპოლიმ” “ატალანტას” უმასპინძლა და 2:0 დაამარცხა.

მე-60 წუთზე ხვიჩა კვარაცხელიამ “პარტენოპეი” ულამაზესი გოლით დააწინაურა, ბერგამოელთა კარი კი მეორედ 77-ე წუთზე ამირ რაჰმანიმ აიღო.

მატჩის დასრულების შემდეგ, “ნაპოლის” მწვრთნელმა, ლუჩანო სპალეტიმ, კვარაცხელია შეაქო და განაცხადა, რომ “მან მარადონას დონის გოლი გაიტანა”:

„ატალანტა“ ძალიან კარგი გუნდია, გასპერინის დიდ პატივს ვცემ და ორმაგად ვაფასებ ჩემს ფეხბურთელებს, რომ ასეთ კარგად შეკრულ გუნდს მოუგეს. კვარაცხელიას მორიგი კარგი მატჩი მივულოცე, მან მარადონას დონის გოლი გაიტანა. როცა კვარაცხელია შენს წინაა, შეუძლებელია მიხვდე, რას გააკეთებს”, – აცხადებს სპალეტი.