“კურსკის ოლქში უკრაინული ქვედანაყოფების “ალყაში მოქცევის” შესახებ ცნობები რეალობას არ შეესაბამება და ამის საფრთხე არ არსებობს” – ამის შესახებ განცხადებას უკრაინის გენერალური შტაბი ავრცელებს.
უკრაინის გენერალური შტაბის სპიკერი, დმიტრი ლიხოვსკი აღნიშნავს, რომ ეს არ არის პირველი შემთხვევა, როდესაც კურსკის ოლქში უკრაინელი სამხედროების ალყაში მოქცევის შესახებ რუსეთი დეზინფორმაციას ავრცელებს.
ცნობები კურსკის ოლქში მოწინააღმდეგის მიერ უკრაინული ქვედანაყოფების ვითომდა „ალყაში მოქცევის“ შესახებ ცნობები რეალობას არ შეესაბამება და რუსების მიერ პოლიტიკური მიზნებისთვისა და უკრაინასა და პარტნიორებზე ზეწოლისთვის იქმნება. დღის განმავლობაში ვითარება არსებითად არ შეცვლილა…
ჩვენი მებრძოლები იგერიებენ მოწინააღმდეგის შეტევით ქმედებებს და ეფექტიანად ურტყამენ მას იარაღის ყველა სახეობიდან. მიმდინარე დღის დასაწყისიდან კურსკის მიმართულებაზე 13 საბრძოლო შეტაკება მოხდა. ჩვენი ქვედანაყოფების ალყაში მოქცევის საფრთხე არ არსებობს”, – ნათქვამია განცხადებაში.
კომენტარები