რუს ოპოზიციონერს ვლადიმირ კარა-მურზას ბრალი წაიყენეს რუსეთის არმიაზე ცრუ ინფორმაციის გავრცელების მუხლით.
მისმა ადვოკატმა ვადიმ პროხოროვმა განაცხადა, რომ იგი რუსეთის ფედერაციის საგამოძიებო კომიტეტის მთავარ საგამოძიებო დეპარტამენტში დაკითხეს, წარდგენილი ბრალის ფორმულირება კი ასეთია: „რუსეთის ფედერაციის შეიარაღებული ძალების შესახებ განზრახ ცრუ ინფორმაციის საჯაროდ გავრცელება“, რაც 15 წლამდე თავისუფლების აღკვეთას ითვალისწინებს.
ამჟამად კარა-მურზას 15 დღით ადმინისტრაციული პატიმრობა აქვს მისჯილი, პოლიციისადმი დაუმორჩილებლობის ბრალდების საფუძველზე. ის 12 აპრილს თავის სახლთან დააკავეს.
მას შემდეგ, რაც რუსეთი უკრაინაში შეიჭრა, კარა-მურზამ, სხვა ოპოზიციონერებთან და საზოგადო მოღვაწეებთან ერთად, შექმნა ომის საწინააღმდეგო კომიტეტი, რომლის წევრებმაც მსოფლიო თანამეგობრობას მოუწოდეს, ომის დამნაშავეებად გამოაცხადონ რუსეთის პოლიტიკური ხელმძღვანელობა, რომელმაც საომარი მოქმედებების გაცემის ბრძანება გასცა.
2015 და 2017 წლებში კარა-მურზა საავადმყოფოებში მოხვდა მძიმე მოწამვლის სიმპტომებით.
კარა-მურზა მიიჩნევს, რომ მისი მოკვლა რუსეთის ხელისუფლების ბრძანებით სურდათ.
კომენტარები