საქართველოს კათოლიკოს-პატრიარქის მდივან-რეფერენტის, შორენა თეთრუაშვილის კორონავირუსის ტესტის პასუხი საეჭვო დადებითია,- ამის შესახებ პატრიარქის ექიმმა, ცისანა შარტავამ განაცხადა.
ცნობისთვის, როგორც საქართველოს საპატრიარქოს მიერ გავრცელებულ ინფორმაციაშია აღნიშნული, კორონავირუსით ინფიცირებულთან კონტაქტის შემდეგ თეთრუაშვილს სიმპტომები გამოუვლინდა, რის შემდეგაც მას ტესტი ჩაუტარდა. მათივე განმარტებით, თეთრუაშვილი ამჟამად თვითიზოლაციაში იმყოფება.
„მასმედიის საშუალებებით ვრცელდება ინფორმაცია, რომ სრულიად საქართველოს კათოლიკოს-პატრიარქის მდივან-რეფერენტს, შორენა თეთრუაშვილს დაუდასტურდა კორონავირუსული ინფექცია. აღნიშნულის შესახებ გაცნობებთ, რომ შორენა თეთრუაშვილს ნამდვილად ჰქონდა შეხება ადამიანთან, რომელსაც დაუდასტურდა კოვიდინფექცია. ამის შემდეგ სიმპტომები გამოუვლინდა თავად მდივან-რეფერენტსაც. ამჟამად იგი იზოლაციაშია. მან გაიკეთა PCR ტესტი, რომლის პასუხიც 8 იანვარს იქნება ცნობილი“, – ნათქვამია საპატრიარქოს მიერ გავრცელებულ ინფორმაციაში.
კომენტარები