ჯანმრთელობის მსოფლიო ორგანიზაციის მონაცემებით, კორონავირუსმა უკვე 165 ქვეყანა მოიცვა. მსოფლიო მასშტაბით, გარდაცვლილთა რაოდენობამ 826-ით მოიმატა და 7 987 შეადგინა. მნიშვნელოვნად იკლებს სიკვდილიანობისა და ინფიცირების შემთხვევები ჩინეთსა და სამხრეთ კორეაში.
ჩინეთში გარდაცვალების 11 და ინფიცირების 13 ახალი შემთხვევა დადასტურდა. სამხრეთ კორეამ რეიტინგის მე-5 ადგილზე გადაინაცვლა. იქ დაღუპულთა და ინფიცირებულთა რიცხვი არ გაზრდილა.
8 ახალი შემთხვევა დადასტურდა სომხეთში და დაავადებულთა რაოდენობა 72-მდე გაიზარდა. კორონავირუსის პირველი შემთხვევები გამოვლინდა მონტენეგროში, იქ ვირუსი ერთდროულად 2 პაციენტს დაუდასტურდა.
განსაკუთრებით მძიმე ვითარებაა ევროპაში. იტალიაში, რომელიც „კოვიდ 19“-ის გავრცელების რეიტინგში მეორე ადგილზეა, 2 158 ადამიანია დაღუპული. ინფიცირებულია 27 980 მოქალაქე. დაავადებულთა რიცხვმა მოიმატა საფრანგეთშიც. მსოფლიო მასშტაბით, გამოჯანმრთელებულთა რაოდენობა, ინფიცირებულთა ნახევარზე მეტია. დაავადებისგან 82 762 ადამიანი განიკურნა.
კომენტარები