კოვიდინფიცირებული 11 ახალი პაციენტიდან 7 ე.წ.საბურთალოს კლასტერიდან არის, 4 კი ბოლნისიდან, – ამის შესახებ ვახტანგ ბოჭორიშვილის სახელობის კლინიკის სამეთვალყურეო საბჭოს თავმჯდომარემ, მაკა სოლოღაშვილმა განაცხადა.
როგორც მან ჟურნალისტებთან საუბარში განაცხადა, ახალი პაციენტებიდან ერთის მდგომარეობა საყურადღებოა.
“ბოქსირებულ სექტორში არის 43 პაციენტია. მათგან Covid-19-ის დიაგნოზის მქონე 29. აქედან 18 წლამდე ასაკის არის 7 პაციენტი. გუშინ დაემატა 11 ახალი პაციენტი, აქედან 4-ს დაუდასტურდა ჩვენს კლინიკაში და 7 გადმოვიდა დადასტურებული დიაგნოზით. 7 არის „საბურთალოს კლასტერი“ და 4 არის ბოლნისიდან. ახალი პაციენტებიდან ერთის მდგომარეობა არის საყურადღებო. იგი დატვირთულია ანამზენით. ასევე, კლინიკაში მყოფი 4 პაციენტი გამოჯანმრთელდა, 3 პაციენტი ელოდება კვლევაში ჩართვას,” -განაცხადა მაკა სოლოღაშვილმა.
შეგახსენებთ, რომ ბოლო მონაცემებით, საქართველოში კორონავირუსის 794 შემთხვევაა გამოვლენილი. სულ გამოჯანმრთელებულთა რაოდენობა 624-ს შეადგენს.
კომენტარები