კორონავირუსის შემთხვევებისა და ჰოსპიტალიზაციის მაჩვენებლის ზრდის ფონზე, ბელგიაში შეზღუდვები კვლავ ამოქმედდება.
კერძოდ, საზოგადოებრივი თავშეყრის ადგილებში პირბადის ტარება სავალდებულო გახდება, პირბადის ტარება ასევე სავალდებულო იქნება კაფეების, რესტორნებისა და ფიტნეს დარბაზების თანამშრომლებისთვის. გარდა ამისა, დახურულ სივრცეებში აუცილებელი იქნება კოვიდპასპორტის წარდგენა.
„ჩვენი დაცვის კედლები უნდა ავწიოთ“, – განაცხადა ბელგიის პრემიერ-მინისტრმა, ალექსანდერ დე კრომ.
შეზღუდვები 29 ოქტომბრიდან ამოქმედდება. ბელგიაში, ინფიცირების დღიური მაჩვენებელი ბოლო კვირის განმავლობაში 75%-ით გაიზარდა და 5 299 შემთხვევას მიაღწია, ხოლო ჰოსპიტალიზაციის მაჩვენებელი 69%-ით გაიზარდა და 102 დღიურ შემთხვევას შეადგენს.
კომენტარები