კორონავირუსის შემთხვევა ბრაზილიაშიც დაფიქსირდა

ბრაზილიის ხელისუფლება ეჭვობს, რომ „კორონავირუსული“ ინფექცია აქვს 35 წლის მოქალაქეს, რომელიც რამდენიმე დღის წინ შანხაიდან ბრაზილიაში დაბრუნდა. 

21 იანვარს, მინას-ჟერაისის შტატში, 35 წლის მოქალაქე, რომელიც ჩინეთიდან დაბრუნდა, რესპირატორული სიმპტომებით საავადმყოფოში გადაიყვანეს. 

ინფორმაციას იმის შესახებ, რომ ეს ნამდვილად „კორონავირუსია“, ოფიციალურად არ ადასტურებს ბრაზილიური მხარე. 

ამ დროისთვის, ჩინეთში კორონავირუსით გამოწვეული პნევმონიის შედეგად გარდაცვლილთა რიცხვი 17-მდეა გაზრდილი. ქვეყნის მასშტაბით ინფიცირებულთა რიცხვმა 473 ადამიანს მიაღწია. 

საქართველოს საელჩო ჩინეთის სახალხო რესპუბლიკაში, „კორონავირუსთან“ დაკავშირებით, საქართველოს მოქალაქეებს მოუწოდებს თავი შეიკავონ ქალაქ უხანში მოგზაურობისგან.

ქალაქ უხანში, სადაც ვირუსი აფეთქდა, 23 იანვრიდან ქალაქში საზოგადოებრივი ტრანსპორტით სარგებლობა აიკრძალა. ასევე აკრძალულია საჭიროების გარეშე ქალაქის დატოვებაც.