ამერიკელი მეცნიერები აცხადებენ, რომ კორონავირუსის მიმართ იმუნიტეტი ორგანიზმმა შეიძლება წლობით შეინარჩუნოს. ამის შესახებ New York Times-ი იტყობინება.
კალიფორნიაში, იმუნოლოგიის ინსტიტუტში ჩატარებული კვლევის მიხედვით, COVID-19-ით ინფიცირებიდან რვა თვის შემდეგაც ორგანიზმის უჯრედები საკმარისად იმუნურია და ის ხელმეორედ დაავადებას უმკლავდება.
უახლესი ინფორმაცია: Pfizer-ის ვაქცინამ მესამე ფაზა წარმატებით გაიარა და 95%-იანი ეფექტიანობა აჩვენა
სპეციალისტების აზრით, იმუნიტეტის მსგავსი სახით ნელი ტემპით კლება სწორედ იმაზე მიუთითებს, რომ ის შესაძლოა წლების განმავლობაში შენარჩუნდეს.
მათი განცხადებით, იმუნიტეტის სფეროში ეს არის COVID-19-ის მიმართ ყველაზე ფართო მასშტაბის და ყველაზე ხანგრძლივი პერიოდის განმავლობაში ჩატარებული გამოკვლევა.
კომენტარები