კორონავირუსის გამო წყნეთის ტაძარი დაიკეტა

წყნეთის ტაძრის ერთ-ერთ მრევლს კორონავირუსი დაუდასტურდა. იგი საპატრიარქოს საავადმყოფოს თანამშრომელია. ტაძრის სასულიერო პირები კარანტინში იმყოფებიან.

ცნობილია, რომ ინფიცირებული ქალი 7 აპრილს, ხარების დღესასწაულზე ტაძარში იმყოფებოდა და აღსარებაც ჩააბარა.

საქართველოში კორონავირუსი 370 ადამიანს დაუდასტურდა, აქედან 77 უკვე გამოჯანმრთელდა. ინფორმაცია მთავრობის მიერ შექმნილ ვებგვერდზე stopcov.ge გამოქვეყნდა.

კარანტინის რეჟიმშია 5000 ადამიანი, სტაციონარში მეთვალყურეობის ქვეშ კი 494 მოქალაქე რჩება. საქართველოს კიდევ 3 მოქალაქეს კორონავირუსი სხვა ქვეყნებში დაუდასტურდა და ისინი საქართველოში აგრძელებენ მკურნალობას.