კორონავირუსის ბრიტანული შტამი უკვე 60 ქვეყანაშია დაფიქსირებული. ამის შესახებ ჯანდაცვის მსოფლიო ორგანიზაციამ (WHO) ყოველკვირეულ ანგარიშში განაცხადა.
“12 იანვარს, VOC-202012/01 კიდევ 10 ქვეყანაში დაფიქსირდა. ბოლო მონაცემებით, ახალი შტამის აღმოჩენის შესახებ 60-მა ქვეყანამ განაცხადა”, – ნათქვამია ორგანიზაციის ვებ-გვერდზე გამოქვეყნებულ დოკუმენტში.
ჯანმო-მ ასევე განაცხადა, რომ კორონავირუსის კიდევ ერთი მუტაცია, 501.V2 შტამი, რომელიც პირველად სამხრეთ აფრიკაში გამოვლინდა, აღმოჩენილია “კიდევ სამ ქვეყანაში”. როგორც აღინიშნა, ახლა იმ ქვეყნების რაოდენობამ, სადაც COVID-19- ის ეს შტამია გამოვლენილი, 23-ს მიაღწია.
კომენტარები