კომპანია Boeing-მა განაცხადა, რომ რუს პარტნიორებთან ურთიერთობას წყვეტს და მოსკოვში ყველა ძირითად ოპერაციას აჩერებს.
ამერიკული თვითმფრინავების მწარმოებელი კომპანია აღარ გაუწევს ტექნიკურ მხარდაჭერას და შეწყვეტს რუსული თვითმფრინავებისთვის ნაწილების მიწოდებას.
„ჩვენ შევაჩერეთ ძირითადი ოპერაციები მოსკოვში და დროებით დავხურეთ ოფისი კიევში. ასევე ვწყვეტთ რუსული ავიახაზების ნაწილების, ტექნიკური მომსახურებისა და ტექნიკური დახმარების სერვისებს. სანამ კონფლიქტი გრძელდება, ჩვენი გუნდი ორიენტირებულია რეგიონში ჩვენი თანამშრომლების უსაფრთხოების უზრუნველსაყოფად“, – ნათქვამია კომპანიის პრესსპიკერის განცხადებაში.
ორშაბათს კომპანიამ დახურა თავისი ოფისი კიევში და შეაჩერა პილოტების სასწავლო ოპერაციები მოსკოვში.
კომპანიაში აცხადებენ, რომ Boeing-ი ორიენტირებულია საკუთარი თანამშრომლობის უსაფრთხოების უზრუნველსაყოფაზე.
კომენტარები