“კოხნარში, კილომეტრნახევრიანი გზა გავწმინდეთ ნიჩბებით, რათა მოხალისეებს შევხვდეთ” – ბაჩო ახალაძე

ჩოხატაურის საკრებულოს დეპუტატი ოპოზიციიდან, ბაჩო ახალაძე, ვიდეოს ავრცელებს კოხნარიდან, სადაც თოვლის საფარი 2 მეტრამდეა. ის ჰყვება, რომ გაწმინდეს კილომეტრნახევრიანი გზა ნიჩბებით, რათა მიეტანათ ადამიანებამდე პური, სანთლები და მედიკამენტები და შეხვდნენ მოხალისეებს, რომლებიც ვერ შედიან სოფელში და შემდგომ, გაერთიანებული ძალებით განაგრძონ ადამიანების დახმარება.

ბაჩო ახალაძე:

ვიმყოფები ჩოხატაურის მუნიციპალიტეტის სოფელ კოხნარში, სადაც კატასტროფული მდგომარეობაა.

ჩვენ შევეცადეთ ჩვენივე ძალებით გაგვეწმინდა დაახლოებით კილომეტრნახევარი გზა ნიჩბებით, რათა მოსახლეობისთვის მიგვეტანა პური, სანთლები, პირველადი მედიკამენტები. კილომეტრნახევრიანი გზა გავიარეთ იმისათვის, რომ თბილისიდან წამოსულ მოხალისეებს შევხვდეთ, რადგან ვერ ხერხდება ვერც ერთი გამავლობის მანქანის შემოსვლა სოფელში. ამ დრომდე ხელისუფლების მხრიდან არანაირი რეაგირება არ არის, ადამიანები მიტოვებულნი არიან ბედის ანაბარად. არ არის შუქი, რიგ სოფლებში წყალი არ არის, არის სახლების ნგრევის საშიშროებაც. 

http://