პოლიტიკური ფილოსოფიის დოქტორი, პროფესორი, არჩილ გამზარდია, “ახალ თაობასთან” ინტერვიუში, ამბობს:
თანამდებობის პირების პერმანენტული ცვლა არა იმდენად მათზე, არამედ ივანიშვილის ძალაუფლების ფენომენზე უფრო მეტყველებს. ივანიშვილი თავისივე გუნდს უფრთხის. ადამიანები, როგორც კი იქ ადაპტირდებიან, ხელს უშლის, რომ თანამდებობის პირები დაეწიონ თანამდებობასა და სტატუსს.
ივანიშვილი, როგორც წესი, როლურ ფუნქციებს ანიჭებს ადამიანებს, რაღაც კონკრეტული მიზნისთვის შეიყვანს და მერე გადაწევს. ივანიშვილს არ უნდა, რომ ადამიანები მოძლიერდნენ თანამდებობებზე. ამ ეტაპზე კობახიძე დარჩენილია ივანიშვილის ერთადერთ საყრდენად. ის, ერთი მხვრივ არის დაქვემდებარებულ მდგომარეობაში ივანიშვილთან, მეორე მხრივ, კობახიძესაც გააჩნია ძალაუფლება გარკვეული სუბძალაუფლების სახით. მისი მოძლიერება ივანიშვილისთვის საფრთხილოა. ასეთი ავტოკრატიზმის პირობებში, ძლიერი და ძალაუფალი უნდა იყოს მხოლოდ ერთი ადამიანი.
კობახიძის მოცილება ასე მარტივი საკითხი არაა, როგორც დანარჩენ შემთხვევებში, პრემიერმა მოახერხა ის, რომ კობახიძის მოცილების შემდეგ ივანიშვილი საყრდენის გარეშე დარჩება, რაც ივანიშვილსვე არ აწყობს. ივანიშვილს ერთი მხრივ, საყრდენები ჭირდება, რომლებზეც ააშენებს საკუთარ ძალაუფლებას. მეორე მხვრივ, ამ საყრდენების გაძლიერება, მისთვის შეიძლება საშიში გახდეს და ამით პარადოქსულ და თეორიულადვე დილემურ მდგომარეობაში იყენებს თავს.
კომენტარები